Օգտագործման պայմաններ

1. Ինչ է կայքը

Սա անվճար ուսուցողական կայք է, որը օգնում է պատրաստվել վարորդական վկայականի տեսական քննությանը՝ հարցաշարեր, քննական տոմսեր, բացատրություններ, ճանապարհային նշանների տեղեկատու և 3D տեսարաններ։

2. Սա պաշտոնական ծառայություն չէ

Կայքը պետական ծառայություն չէ և կապ չունի ՀՀ ոստիկանության հետ։ Հարցերն ու ճիշտ պատասխանները վերցված են roadpolice.am-ի պաշտոնական հարցաշարերից, սակայն բացատրությունները, տոմսերի կազմը և մյուս նյութերը ուսուցողական օգնություն են և չեն փոխարինում ճանապարհային երթևեկության կանոններին ու պաշտոնական հարցաշարերին։ Հարցաշարերը կարող են փոխվել, ուստի ստուգեք roadpolice.am-ը։

Գունազգայության ստուգումը ծանոթացման համար է և բժշկական եզրակացություն չէ։

3. Առանց երաշխիքների

Մենք ջանում ենք, որ տվյալները ճիշտ լինեն, բայց չենք երաշխավորում ո՛չ սխալների բացակայությունը, ո՛չ կայքի անընդհատ աշխատանքը, ո՛չ էլ քննության արդյունքը։ Կայքից օգտվում եք ձեր պատասխանատվությամբ։ Սխալ նկատելու դեպքում գրեք մեզ՝ կուղղենք։

4. Հաշիվ

Հաշիվը ընտրովի է և նախատեսված է ձեր առաջընթացը պահելու համար։ Դուք պատասխանատու եք ձեր էլ․ փոստի և մուտքի կոդերի պաշտպանության համար։ Հաշիվը կարող եք ջնջել ցանկացած պահին («Իմ հաշիվը» → «Ջնջել հաշիվը»)։ Չարաշահման դեպքում (ավտոմատ զանգվածային հարցումներ, ուրիշի հաշվից օգտվելու փորձ) մենք կարող ենք սահմանափակել մուտքը։ Ինչ տվյալներ են պահվում՝ տե՛ս Գաղտնիության քաղաքականությունը։

5. Ինչ չի թույլատրվում

• խոչընդոտել կայքի կամ նրա սերվերների աշխատանքը,
• շրջանցել անվտանգության միջոցները կամ փորձել մուտք գործել ուրիշի հաշիվ,
• զանգվածաբար պատճենել կայքի նյութերը կամ վերավաճառել դրանք առանց թույլտվության։

Անձնական, ոչ առևտրային օգտագործումը ազատ է։

6. Իրավունքներ

Կայքի ծրագիրը, դիզայնը, բացատրությունները և ձեռքով պատրաստված նյութերը՝ © 2026 AXION։ Պաշտոնական հարցերի տեքստը և պատկերները պատկանում են իրենց սեփականատերերին։ Ճանապարհային նշանների նկարները վերցված են Wikimedia Commons-ից՝ իրենց լիցենզիաներով, գունազգայության աղյուսակների հեղինակները նշված են համապատասխան պատուհանում։

7. Աջակցություն

Կայքն անվճար է։ Idram-ով աջակցությունը կամավոր է, չի տալիս լրացուցիչ իրավունքներ և չի փոխում այս պայմանները։

8. Պատասխանատվության սահմանափակում

Օրենքով թույլատրված չափով AXION-ը պատասխանատվություն չի կրում կայքից օգտվելու կամ չկարողանալու հետևանքով առաջացած անուղղակի կորուստների համար (օրինակ՝ չհանձնված քննություն)։

9. Փոփոխություններ և կապ

Պայմանները կարող են թարմացվել. վերջին թարմացման ամսաթիվը նշված է էջի վերևում, իսկ կայքից շարունակելով օգտվել՝ համաձայնում եք թարմացված պայմաններին։ Վեճերի դեպքում կիրառվում է ՀՀ օրենսդրությունը։

Հարցերի և առաջարկների համար գրեք մեզ Telegram-ում՝ @axionpages։