Գաղտնիության քաղաքականություն

1. Առանց հաշվի

Կայքն աշխատում է առանց գրանցման։ Այդ դեպքում ձեր առաջընթացը՝ պատասխանները, սխալները, ընտրված հարցերը, արդյունքների պատմությունը և կարգավորումները (թեմա, տառաչափ, ձայն, քննության ամսաթիվ), պահվում է միայն ձեր սարքի զննարկչի հիշողության մեջ։ Մենք այն չենք ստանում։ Զննարկչի տվյալները մաքրելիս այն կջնջվի։

2. Անանուն վիճակագրություն

Կայքի օգտագործումը հաշվում ենք PostHog ծառայությամբ (սերվերը՝ Եվրոպայում)՝ առանց cookie-ների և առանց զննարկչում որևէ բան պահելու։ Հաշվվում են անանուն իրադարձություններ՝ օրինակ՝ «տոմսն ավարտվեց 85%-ով», բացված էկրանները, սխալ պատասխանված հարցի համարը։ Մեկ օրվա ընթացքում նույն այցելուին տարբերում է ամեն օր փոխվող հեշը, հաջորդ օրը նա արդեն «նոր» այցելու է։ Տեխնիկական տվյալները (երկիր, զննարկիչ, սարքի տեսակ) օգտագործվում են միայն ընդհանուր վիճակագրության համար։

Այս վիճակագրության մեջ չկա ձեր էլ․ փոստը, անունը կամ հաշվի տվյալները։

3. Հաշիվ (ընտրովի)

Հաշիվ ստեղծելը կամ մուտք գործելը պարտադիր չէ։ Եթե մուտք եք գործում, որպեսզի առաջընթացը պահվի և շարունակվի մեկ այլ սարքից, պահվում են՝

• ձեր էլ․ փոստի հասցեն և, եթե մուտք եք գործել Google-ով, ձեր անունը,
• հաշվի նույնացուցիչը և գրանցման, մուտքի ու ելքի ժամերը,
• ձեր առաջընթացի պատճենը՝ պատասխաններ, սխալներ, ընտրված հարցեր, չավարտված թեստեր, արդյունքների պատմություն,
• ավարտված փորձերի արդյունքները՝ թեստի կամ տոմսի անունը, միավորը, տևողությունը, ամսաթիվը,
• սարքի պատահական նույնացուցիչ՝ որպեսզի հասկանանք, թե որ սարքից է արված վերջին պահպանումը։

Մուտքի երկու եղանակ կա՝ նամակով եկած մեկանգամյա կոդ (գաղտնաբառ չկա) կամ Google։ Google-ը մեզ տալիս է միայն ձեր էլ․ փոստը և անունը. ձեր Google գաղտնաբառը մեզ չի հասնում։

Տվյալները պահվում են Supabase ծառայության տվյալների բազայում։ Ձեր հաշվի տողերը մյուս օգտատերերի համար հասանելի չեն. յուրաքանչյուր օգտատեր կարող է կարդալ և փոխել միայն իր տողերը։ AXION-ը տվյալներին մուտք ունի ծառայությունն ապահովելու, սխալները հայտնաբերելու և ընդհանուր վիճակագրության համար, դրանք չի վաճառում և չի փոխանցում գովազդի նպատակով։ Նամակները՝ մուտքի կոդերը, ուղարկվում են Resend ծառայությամբ։

Տվյալները պահվում են մինչև հաշիվը ջնջելը։

4. Cookie-ներ և զննարկչի հիշողություն

Կայքը cookie-ներ չի օգտագործում։ Զննարկչի հիշողությունը (localStorage) օգտագործվում է ձեր առաջընթացի և կարգավորումների համար, իսկ մուտք գործելու դեպքում՝ նաև մուտքի նիստի համար։ Կայքի ֆայլերը պահվում են զննարկչում, որպեսզի այն կարողանա աշխատել վատ կապի դեպքում։

5. Ում ծառայություններն ենք օգտագործում

• Netlify՝ կայքի հոսթինգ (սերվերը տեսնում է սովորական տեխնիկական հարցումներ՝ ժամ, IP հասցե),
• PostHog՝ անանուն վիճակագրություն,
• Supabase՝ տվյալների բազա և մուտք (միայն հաշիվ ունեցողների համար),
• Resend՝ մուտքի կոդերի ուղարկում նամակով,
• Google՝ միայն եթե ընտրում եք «Շարունակել Google-ով»,
• Idram՝ կամավոր աջակցություն. վճարումը կատարվում է Idram-ի հավելվածում, մենք քարտի տվյալներ չենք տեսնում։

Այս պահին կայքում գովազդ չկա։ Եթե ապագայում ավելանա, այս էջը կթարմացվի։

6. Ձեր իրավունքները

Դուք կարող եք ցանկացած պահին տեսնել, ներբեռնել և ջնջել ձեր տվյալները՝

• առաջընթացը՝ ընտրացանկ → «Տվյալներ» (պատճենել կամ ներբեռնել ֆայլ),
• հաշիվը և սերվերում պահված ամեն ինչ՝ ընտրացանկ → «Իմ հաշիվը» → «Ջնջել հաշիվը». ջնջվում է անմիջապես և անդառնալիորեն (այս սարքի առաջընթացը մնում է),
• առանց հաշվի առաջընթացը ջնջվում է զննարկչի տվյալները մաքրելով։

Հարցերի, ուղղումների կամ տվյալների ջնջման խնդրանքի համար գրեք մեզ Telegram-ում՝ @axionpages։

7. Անվտանգություն և երեխաներ

Կապը կայքի հետ պաշտպանված է (HTTPS), հաշվի տվյալների հասանելիությունը սահմանափակված է տվյալների բազայի կանոններով։ Ոչ մի համակարգ լիովին անխոցելի չէ, ուստի խորհուրդ ենք տալիս պահպանել ձեր էլ․ փոստի անվտանգությունը։

Կայքը նախատեսված է վարորդական քննությանը պատրաստվողների համար։ Եթե դեռ չափահաս չեք, հաշիվ ստեղծելուց առաջ խորհրդակցեք ծնողի հետ։

8. Փոփոխություններ

Այս քաղաքականությունը կարող է թարմացվել, երբ կայքը նոր հնարավորություններ ստանա։ Վերջին թարմացման ամսաթիվը նշված է էջի վերևում։